ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |

មន្ទីរវប្បធម៌ខេត្តប៉ៃលិនចុះស្រាវជ្រាវល្អាងរូងភ្នំបុរាណដើម្បីធ្វើការអភិរក្សរៀបចំវិស័យទេសចរណ៍

  • ចុះផ្សាយថ្ងៃទី១៨ ខែវិច្ឆិកា ឆ្នាំ២០២១ ម៉ោង ២១:៥៩ នាទី ដោយ Satya
  • 2509
  Aa |   aA

ខេត្តប៉ៃលិន ៖ ក្រុមការងារមន្ទីរវប្បធម៌និងវិចិត្រសិល្ប:ខេត្តប៉ៃលិនបានចុះស្រាវជ្រាវល្អាងរូងភ្នំបុរាណនានាក្នុងខេត្តប៉ៃលិន ដើម្បីជ្រើសរើសជាតំបន់អភិរក្សក៏ដូចជាកែច្នៃឱ្យទៅជាកន្លែងទេសចរណ៍ផងដែរ។

អនុប្រធានមន្ទីរវប្បធម៌ និងវិចិត្រសិល្ប:ខេត្តប៉ៃលិន លោក អ៉ី លីឈុន បានឱ្យដឹងថាអស់រយៈពេលជាង១ខែហើយដែលក្រុមការងារមន្ទីរបានចុះប្រមូលទិន្នន័យនិងស្ថានភាពនៃរូងភ្នំក្នុងខេត្តប៉ៃលិន ដើម្បីជ្រើសរើសយករូងភ្នំដែលមានលក្ខណៈអំណោយផលផ្នែទេសចរណ៍ដើម្បីអភិវឌ្ឍន៍ជាទីតាំងទេសចរណ៍ក្នុងខេត្តតែម្ដង។

លោកបន្តទៀតថា រហូតមកដល់ពេលនេះក្រុមការងារលោកបានចុះស្រាវជ្រាវល្អាងភ្នំចំនួន៦ទីតាំងហើយ ដែលមានស្ថានីយ៍បុរាណបឹងក្ងោក ជាទីទួលកប់សពបុរាណមានអាយុកាលប្រមាណជាង២០០០ឆ្នាំ ល្អាងរូងភ្នំព្រះឥន្ទ្រលក់លត ល្អាងរូងភ្នំបាយសី ល្អាងរូងភ្នំស្ពង់ ល្អាងរូងភ្នំកុយ និងល្អាងរូងភ្នំស្រង់។

លោកបញ្ជាក់ទៀតថា ក្រោយពីបានចុះសិក្សាទាំង៦ទីតាំងខាងលើ មន្ទីរវប្បធម៌និងវិចិត្រសិល្បៈខេត្តសង្កេតឃើញថាមានល្អាងរូងភ្នំខ្លះ អាចបង្កើតទៅជារមណីយដ្ឋានទេសចរណ៍ បែបធម្មជាតិ និងខ្លះទៀតអាចបង្កើតទៅជាកន្លែងរមណីយដ្ឋានបែបគោរពបូជាបួងសួងបន់ស្រន់ ដុតធូប ទៀន សែនព្រេនជាដើម។ លើសពីនេះមន្ទីរកំពុងធ្វើការស្រាវជ្រាវបន្តបន្ទាប់ទៀតដើម្បីកត់ត្រាទុករួចរាយការណ៍ទៅថ្នាក់ខេត្ត ដើម្បីកំណត់ព្រំប្រទល់និងធ្វើការអភិវឌ្ឍតំបន់ទាំងអស់ខាងលើនាពេលអនាគតខាងមុខ៕


ព័ត៌មានជាច្រើនទៀតសម្រាប់អ្នក